Lífshlaupið er átaksverkefni sem hefst 3. febrúar og stendur í 3 vikur þar sem landsmenn eru hvattir til þess að huga að sinni daglegu hreyfingu og auka hana eins og kostur er þ.e. í frítíma, heimilisverkum, vinnu, skóla og við val á ferðamáta. Hvassaleitisskóli hvetur nemendur, starfsfólk og foreldra til þess að taka þátt.  Sjá nánar á www.lifshlaupid.is

Fimmtudaginn 27. janúar heimsóttu nemendur 3. bekkjar Mjólkursamsöluna. Þar var vel tekið á móti þeim, þau fengu að sjá gamla muni frá sögu mjólkuriðnaðarins ásamt því að upplifa leið mjólkurinnar frá fjósinu í mjólkurfernurnar sem þau þekkja. Í lokin þáðu nemendur ískalda mjólk, kleinur og ís. Ferðin var hin ánægjulegasta og voru nemendur sjálfum sér og skólanum til sóma.

Fimmtudaginn 28.janúar var haldið ´80 ball hjá unglingadeildinni. Vel var mætt og klæðnaður í takt við viðeigandi tímabil. Allir virtust skemmta sér vel eins og myndirnar sýna hér.